Gayunman, nais ng lokal na pamahalaan na higit pang ipakilala ang Manaoag bilang isang tourist destination na hindi lamang nakasentro sa pilgrimage at debosyon.
Ayon kay Manaoag Mayor Jeremy Agerico Rosario, na siya ring LMP Pangasinan President, naging inspirasyon ng lokal na pamahalaan ang patuloy na pagdagsa ng mga bisita upang makapag-alok pa ng mga bagong aktibidad at atraksyon sa bayan.
Bukod sa pagpapalawak ng sektor ng turismo, layunin din ng lokal na pamahalaan na makalikha ng mas maraming trabaho at kabuhayan para sa mga residente.
Dahil dito, isinusulong ang pagdaragdag ng mga tourist spot at iba pang aktibidad na maaaring tangkilikin ng mga bisita.
Sa pamamagitan nito, umaasa ang lokal na pamahalaan na mahihikayat ang mga turista na manatili nang mas matagal sa Manaoag, tuklasin ang iba pang atraksyon ng bayan, at higit na makapag-ambag sa paglikha ng mga oportunidad sa trabaho at kabuhayan para sa mga residente. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
