Masobra apat ka libo nga mga puno sang kahoy natanom sa selebrasyon sang earth day sang DENR 12.

22
Masobra 4,000 ka mga puno sang kahoy ang natanom sa mga nagkalain-lain nga lugar sa Soccksargen Region sa ginpatigayon nga simultaneous tree-growing activity nga gin-organisa sang Department of Environment and Natural Resources (DENR) Region 12 sa selebrasyon sang Earth Day 2022.
Ginpahayag ni DENR-12 Regional Executive Director Atty. Felix S. Alicer nga ang kalibutan ang nagapangatubang sang problema kapareho sang climate change kag mga nagkalain-lain nga environmental destructions kag paagi sa pagtanom sang madamo nga kahoy makabulig ini.
May-angot sini, base sa datos sang DENR-12 field offices, 1,600 ka mga nagkalain-lain nga klase sang kahoy ang gintanom sa mga National Greening Program (NGP) sites sa Sarangani, 900 sa North Cotabato, 892 sa South Cotabato, kag 700 sa Sultan Kudarat.
Magluwas sa pagpatigayon sang tree growing activities nagpatigayon man ang mga field offices sang ahensya sang information, education, and communication (IEC) campaigns.
Tema naman subong nga tuig sang Earth Day ang “Invest in Our Planet” nga ginapatigayon kada Abril 22 nga nagapahanumdom sa tanan nga protektahan ang dunang manggad, ibalik ang naguba nga ecosystems kag iban pa.
Facebook Comments