Region 12 may masobra duha ka milyon dose nga pondo sang COVID-19 vaccine.

23
Nagalab-ot sa masobra duha ka milyon ka doses sang mga nagkalain-lain nga brand sang COVID-19 vaccine ang pondo sa subong sang Soccsksargen Region.
Sa ginpatigayon nga pagsinapol sang Regional Vaccination Operations Center (RVOC) ginreport sang Department of Health-Center for Health Development Soccsksargen Region (DOH-CHD 12) nga nagalab-ot sa 2,167,620 ka dose sang COVID-19 vaccine ang yara sa kustodiya sa subong sang DOH-CHD 12 kag mga lokal nga panggobyerno sa South Cotabato, North Cotabato, Sarangani, Sultan Kudarat, General Santos City, lakip na ang Cotabato City.
Sa nasambit nga numero 1,710,473 ka dose ang napapanaug na sa lokal nga panggobyerno, samtang 457,147 ka dose ang nakapondo naman sa vaccine house sang DOH-CHD 12.
Lakip sa mga vaccine nga yara sa rehiyon sa subong ang 382,604 ka dose sang Sinovac; 312,267 dose ka Astrazeneca; 465,152 ka dose sang Pfizer; 141,890 ka dose sang Moderna; 82,804 ka dose sang Sputnik V Component I; 1,604 ka dose sang Sputnik V Component II kag 412,350 ka dose sang Janssen.
Angot sini padayon nga ginahangkat sang pamunuan sang DOH-CHD 12 ang mga lokal nga panggobyerno sa Rehiyon Dose kag Cotabato City nga mas pabakudon pa ang pagturok sang COVID-19 vaccine agud mapabakod pa ang proteksyon sang publiko batok coranavirus disease.
Ginpahayag ni Dr. Edvir Jane Montañer, regional immunization program coordinator, nga base sa datos sang DOH sang Abril 25, yara sa 59.91 percent. ukon 2,439,716 ka mga indibidwal sa target population nga 4,072,485 sang Rehiyon 12 ang fully vaccinated na.
Samtang yara naman sa 33.02 percent ukon 1,344,732 ang nagapabilin nga unvaccinated.
Facebook Comments