Mga punong barangay, barangay secretary, treasurer, kagawad at GAD focal persons mula sa lahat ng barangay ng Sison ang lumahok sa tatlong araw na training sa pagpaplano at paggamit ng pondo ng barangay sa Alaminos City.
Batay sa ulat, ito ay isinagawa sa Enhancing BLGU Planning Systems: A Training on Proper Utilization of Mandatory Funds, Sectoral Plans, and AIP-BDP Alignment ng lokal na pamahalaan noong Hulyo 29 hanggang 31, 2026 sa The First Islatel, Alaminos City.
Itinuro sa mga kalahok ang wastong paggamit ng mga mandatory fund, paghahanda at pagsasama ng sectoral plans, at pag-uugnay ng Annual Investment Program (AIP) sa Barangay Development Plan (BDP).
Kabilang sa mga dumalo ang mga Punong Barangay, Barangay Secretary, Barangay Treasurer, Barangay Kagawad at GAD Focal Person, na kumatawan sa kani-kanilang barangay sa buong munisipyo.
Isinagawa ang training sa pamamagitan ng Office of the Municipal Planning and Development Coordinator (MPDC), Municipal Social Welfare and Development Office (MSWDO), at Municipal Local Government Operations Office (MLGOO) ng lokal na pamahalaan.
Layunin ng capacity-building activity na mapalakas ang kaalaman at kasanayan ng mga Barangay Local Government Unit (BLGU) sa pagpaplano, paglalaan at paggamit ng pondo, at paghahanda ng mga development plan ng barangay. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
