Mga pamaagi sa pagkatakdan ug pagkatag sa Monkey Pox, gipaambit sa DOH-10

25
Gipaambit karon sa Department of Health (DOH)-Region X ang mga pamaagi nga pwedeng makuha sa usa ka indibidwal ang sakit nga Monkey Pox.

Sa interview sa RMN Malaybalay ngadto kang Dr. David Mendoza, Local Health Support Division Chief sa DOH-X, gibutyag niini nga adunay tulo (3) ka mga pamaagi nga makuha o mukatag ang sakit nga Monkey Pox ngadto sa mga tawo.

Una niana matud pa mao ang Animal-to-Human Transmission, sunod ang Human-to-Human ug ikatulo ang Vertical Transmission diin makuha gikan sa inahan nga mabdos padulong sa bata nga giburos niini.

Sa pikas nga bahin, gibutyag usab ni Dr. Mendoza ang mga pamaagi aron nga mapugngan ang pagkatag sa maong sakit.

Matud pa nga kung ma-exposed o maclose contact sa tawo nga infected sa maong sakit, kinahanglan ang health monitoring sulod sa 21 ka adlaw.

I-apply dayon sumala pa ang BIDA Solusyon tungod kay virus man kini, likayan ang pagpakigkontak sa mga tawo nga adunay mga samad sa kalawasan ug likayan ang paggamit sa mga gamit sa uban.



Bawal matud pa usab ang pagpakikontak sa mga wild animals ug kung magluto og karne sa hayop, gikinahanglan nga lutoon og tarong.

Facebook Comments