Ombudsman Boying Remulla at ilang miyembro ng gabinete, target din umanong i-frame up sa ‘bugaw’ —DILG Sec. Remulla

Hindi lamang si Executive Secretary Ralph Recto ang target na sirain at i-set up kaugnay sa umano’y bugaw.

Ito ang ibinunyag ni Interior Secretary Jonvic Remulla kung saan pinagplanuhan din umano ang iba pang opisyal gaya ni Department of Public Works and Highways (DPWH) Secretary Vince Dizon at Ombudsman Jesus Crispin Remulla.

Naniniwala naman si Remulla na maaaring si dating congressman Jing Paras ang nasa likod ng mga ito.

Kaugnay nito, iniimbestigahan na rin daw nila si Paras at posibleng sampahan ng kaso.

Nauna nang inisyuhan ng subpoena ng National Bureau of Investigation (NBI) sina Paras at Batangas Rep. Leandro Leviste dahil sa umano’y tangkang i-frame up si Recto.