Kini subay na sab sa mandar sa Hepe sa Presinto #5 nga pakusgan ang panggukod sa mga tawo nga naa sa likod sa pagpadagan sa ilegal nga sugal ug labaw na ang last two.
Subay ani, usa ka usher sa last two nga si Romeo Faigo, 57 anyos, minyo, ug nagpuyo sa Barangay Cabantian ning siyudad.
Ang dinakpan nadiskitahan sa kapulisan nga nang-ingganyo sa mga na-ungo sa last two.
Tungod ani, gipapaunan og pulis nga nagsilbing poseur nga kunohay mutaya ug dihang gi-akumodar sa dinakpan ug gidawat ang P20 nga pusta sa last two gilayon gipusasan sa mga otoridad si Romeo.
Atol sa operasyon nga gipahigayon sa maong dapit bandang 7:00 sa gabii nakumpiska ang mga kagamitan sama sa paraphernalia sa ilegal nga sugal ug kapin P200 nga salapi gikan sa suspek.
Pasakaan og kasong may kalapasan sa Republic Act 9287 kon Illegal Gambling ang dinakpan.
RadyoMaN Joel Viray
