‘Oplan Biyaheng Ayos’ ipatuman karong Semana Santa

Davao City – Andam na ang mga personahe sa Coast Guard District Southeastern Mindanao (CGDSEM) sa hugot nga seguridad ang ipatuman sa tibuok Davao Region karong Semana Santa sugod Abril 6, 2023.

Sa interbyu sa DXDC RMN Davao kang Coast Guard LTSG Vincent Bryan Marcos, Operation Officer sa CGDSEM, magsugod ang pagpatuman sa heightened alert karong adlaw’ng Domingo Abril 2-10, 2023.

Segun ni Marcos nga hugot nga i-patuman ang ‘Oplan Biyaheng Ayos’ diin magpahigayon sab og inspeksyon sa mga bagahe sa barko ug lantsa nga mobiyahe karong Holy Week padulong sa Island Garden City of Samal.

Dugang sa opisyal, adunay K9 unit ang i-deploy ug Sea Marshall nga motabang sa pagpatrolya sa mga pantalan sa Sta. Ana Wharf ug Sasa Wharf ug mga mga beach resort.

Subling nagpahimangno si Marcos sa mga pasahero nga mobiyahe nga gidili ang pagdala sa mga mahait nga hinagiban.

“So ginapa-igting pod sa mga coast station na magconduct og free departure inspection para mas ma inspek ang mga bangka ug barko ilabina sa naka book sa Samal nga dili ta mag-overload para ma-iwasan nato ang disgrasya,” sulti ni Marcos.

RadyoMaN Don Pulayao

Facebook Comments