Sa kumento sa netizen nga si Elen Biliran, kini na ang sinugdanan sa new normal bisan og anaa pa ang COVID-19. Apan kinahanglan gihapong sundon ang padayong pagsuot og face mask.
“The beginning of living normally with COVID. Don’t forget to always wear your face mask in public places,” kumento niini.
Gibalaka usab sa netizen nga si Gemma Morales ang pagwagtang sa mga restriction, diin dili kinahanglang mukumpyansa ilabina nga anaa gihapon ang virus gani anaa karon sa 5th wave sa COVID-19 ang nasud Hong Kong.
“Please let us be extra careful. Sana hindi muna ganito kasi may COVID pa naman. Sana if zero (case) napo talaga. Nag-5th wave po ang Hong Kong now,” kumento niini.
Sa EO, pipila sa giwagtang nga restrictions sa dakbayan mao ang paggamit sa SafeDavao QR (DQR). Giwagtang na usab ang lockdown lakip na ang granular lockdowns. Tanang business, offices ug establishments gitugotan na alang sa pre-pandemic operational capacity.
Lifted na usab ang alternative work arrangements sa local and national government offices.
Sa transportasyon, gitugotan na ang tanang public utility vehicles (PUVs) alang sa full carrying capacity base sa pre-pandemic guide.
Gitugot na usab ang tanang contact ug non-contacts sports, lakip na ang trainings ug tournaments/competitions.
Gipunto sa EO nga ang pagpagawas sa direktiba resulta sa nagkaubos COVID-19 cases ug taas na usab ang porsiento sa populasyon sa dakbayan ang protektado na batok COVID-19.
RadyoMaN Kirby Manzon
