Nag-iingat sa pag-aayos malapit sa kable ng mga kuryente ang lalaking ito lalo at katatapos lamang ng ulan at basa pa ang kable pati na rin ang katawan at mga hinahawakan nito.
Ayon sa PDRRMO, mas nagiging delikado ang paghawak sa mga kagamitang de-kuryente kapag basa ang kamay dahil ang moisture ay maaaring magpababa sa resistensya ng balat at magpadali sa pagdaloy ng kuryente sa katawan.
Dahil dito, patuloy rin ang payo ng iba pang lokal na awtoridad sa publiko na patuyuin muna ang kamay bago humawak ng plug, switch o anumang electrical appliance, at iwasang gumamit ng mga kagamitang de-kuryente malapit sa tubig o basang lugar.
Patayin din ang mga appliance at extension cord kapag hindi ginagamit, lalo na kung may malakas na pag-ulan o pagbaha.
Pinayuhan din ang publiko na huwag lumusong sa baha dahil posibleng may nakababad na live wire o putol na kable na maaaring magdulot ng pagkakakuryente.
Sa gitna ng tag-ulan, muling iginiit ng mga lokal na awtoridad na ang pagiging maingat at pagsunod sa wastong electrical safety practices ay mahalaga upang maiwasan ang sakuna at mapanatiling ligtas ang bawat isa. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
