Pinaalalahanan ni Justice Secretary Menardo Guevarra si Public Attorney’s Office (PAO) Chief Persida Acosta na sundin ang umiiral na regulasyon sa workplace ng mga hindi pa bakunadong kontra COVID-19.
Batay sa guidelines ng Inter-Agency Task Force (IATF), ang mga manggagawa na nag-re-report sa trabaho ay kailangan bakunado.
Pero kung hindi pa ay kailangan nitong magpa-RT-PCR o antigen testing isang beses kada dalawang linggo.
Personal namang hinikayat ni Health Secretary Francisco Duque III si Acosta na magpabakuna na kontra COVID-19.
Ayon kay Duque, mas makabubuting magpabakuna na si Acosta para magkaroon ng dagdag proteksyon laban sa COVID-19.
Nauna nang sinabi ni Acosta na hindi pa siya nagpapabakuna laban sa COVID-19 dahil sa health concerns at sa kaniyang edad.
