PhilHealth, nilinaw na ang DOH at CHED ang nag-obliga na kumuha ang mga mag-aaral ng medical insurance bago makasali sa face-to-face classes

224

Nilinaw ng Philippine Health Insurance Corporation (PhilHealth) na sumusunod lamang sila sa joint memorandum ng Department of Health (DOH) at Commission on Higher Education (CHED) hinggil sa pag-oobliga sa mga mag-aaral na magbabalik na sa face-to-face classes na magparehistro sa ahensya o sa ibang health insurance company.

Ayon kay PhilHealth Vice President for Corporate Affairs at Spokesperson Dr. Shirley Domingo, layon nito na maprotektahan ang mga mag-aaral sakaling tamaan sila ng COVID-19 o ng iba pang sakit.

Aniya, hindi na rin magiging masyadong abala para sa mga estudyante kung mao-ospital ito sa panahon ng face-to-face classes.


Kailangan lamang aniyang magparehistro ng mga estudyanteng edad 21 pataas para makasama sila sa database ng PhilHealth at mapadali ang pag-access sa mga benepisyo.

Paliwanag pa ni Domingo, sa ilalim ng Universal Health Care Law, ang lahat ng mga Pilipino ay otomatikong miyembro na ng PhilHealth.

Facebook Comments