Lumahok ang mga personnel ng Calasiao Municipal Police Station o MPS sa Barangay Assembly Day para sa ikalawang semestre ng taong 2026 sa Barangay San Miguel, Calasiao, Pangasinan noong Oktubre 24.
Pinangasiwaan ni PLTCOL Daryl V. Nevado, Officer-in-Charge ng Calasiao MPS, ang partisipasyon ng mga pulis sa nasabing aktibidad na may temang “Tayo Na sa Barangay Assembly! Nagkakaisang Tinig, Makabuluhang Usapan, at Sama-samang Pagkilos para sa Ating Komunidad.”
Kasabay ng assembly, lumagda sa isang Memorandum of Understanding o MOU ang barangay, Philippine National Police o PNP, at Department of the Interior and Local Government o DILG upang palakasin ang kanilang pakikipagtulungan sa pagpapanatili ng kapayapaan at kaayusan.
Layunin ng kasunduan na palakasin ang koordinasyon sa pagtukoy sa mga posibleng banta sa seguridad, pag-iwas sa mga krimen, at paghikayat sa mga residente na aktibong makibahagi sa mga programang nagtataguyod ng kaligtasan sa komunidad.
Sa pamamagitan ng nasabing kasunduan, muling pinagtibay ng mga kinauukulang panig ang kanilang pangako na magtulungan para sa isang ligtas, mapayapa, at maayos na pamayanan. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
