Ipinagtanggol ng House prosecution panel si Manila Representative Bienvenido “Benny” Abante Jr., laban sa mga kritisismo kaugnay sa pagtulog nito habang nasa VIP Gallery ng Senate Session Hall kung saan ginaganap ang impeachment trial kay Vice President Sara Duterte.
Ayon kay ayon kay House Trial Spokesperson at Lanao Del Sur Rep. ZIa Alonto Adiong, sa edad ni Congressman Benny ay patuloy nitong ginagampanan ang trabaho at aktibo itong dumadalo sa paglilitis kaya makikita and dedikasyon nito sa pagsusulong ng pananagutan sa mga opisyal ng gobyerno.
Ang pagka-idlip nito sa impeachment trial ay hindi sinasadya at hindi layunin na insultuhin ang Impeachment Court kaya sana ay maging makatao at maingat sa pagkokomento dito.
Sabi naman ni House Prosecutor at Bicol Saro Rep. Terry Ridon, hindi dapat i-single out si Abante dahil maging si dating Presidential Legal Counsel Atty. Salvador Panelo ay nakakatulog din naman habang isinasagawa ang paglilitis kay VP Sara.
Tumanggi naman sina Adiong at Ridon na magkomento sa pagpuna din ni Senator-judge Panfilo “Ping” Lacson sa pagtulog ni Abante sa habang may impeachment trial.
