Umarangkada na ngayong araw ang public panel interview ng Judicial and Bar Council (JBC) para sa posisyon ng Supreme Court (SC) Associate Justice.
Ito’y matapos ang nakatakdang pagreretiro ni SC Associate Justice Amy Lazaro-Javier sa November 16, 2026.
Ayon kay SC Spokesperson Atty. Camille Sue Mae Ting, nasa 19 ang aplikante para sa mababakanteng Supreme Court Associate Justice post kung saan nasa walo na lamang ang isasalang sa panel interview.
Aniya, naunang sumalang sa panel interview ang 11 aplikante na dating nag-apply para sa naturang posisyon makaraan ang mandatory retirment ni dating Justide Mario Lopez.
Nasa apat na aplikante ang nakatakdang isalang sa public interview ngayong Oct. 13 kung saan nauna na dito si Deputy Immigration Commissioner Aldwin Alegre na susundan ni Legal Education Board Chairperson Jason Barlis, Sandiganbayan Presiding Justice Geraldine Faith Econg, at Court of Appeals (CA) Associate Justice Lily Biton.
Pinangunahan nina Batangas 2nd Dist. Rep. Gerville Luistro, Justice Sec. Fredderick Vida ang pagsasalang sa panel interview kasama sina dating Assoiciate Justice Jose Catral Mendoza, dating Court of Tax Appeals Associate Justice Erlinda Piñera Uy at JBC Member Jose Mejia.
Nakatakda naman sumalang bukas, Oct. 14, 2026 sa panel interview sina Commission on Audit (COA) Chairperson Gamaliel Cordoba, Government Corporate Counsel Solomon Mateo Hermosura, Atty. German Quintos Lichauco II, at Commission on Elections (Comelec) Commissioner Ernesto Maceda Jr.
