Davao City – Gitutokan sa Davao City Police Office (DCPO) ang kampanya kontra Oplan R.A.T.S. Tugis ( Robbery, Akyat Bahay, Theft, Snatching ) batok sa mga kriminal nga nalambigit niini sa dakbayan sa Davao.
Sa pakighinabi sa DXDC RMN Davao kang Police Captain, Hazel Tuazon,ang Tigpamaba sa DCPO gibutyag niini nga gipakusgan ang kampanya kontra R.A.T.S. Tugis kay ‘Ber’ Month na og posibleng pagsiaw sa mga kawatan.
Segun ni Tuazon, subay sa mando ni Police Col. Alberto Lupaz City Director sa DCPO sa matag Police Station, adunay mga listahan sa mga nalambigit sa robbery, pagpanglabni og kawat, ang gipailawom sa Tok-Tok hangyo sa ilang pinuy-anan.
Dugang sa opisyal, gisudan na ang Tok-Tok hangyo aron hangyuon nga undangon na nila ang dili maayong binuhatan.
“Para sa ilang pamilya ilabi na pamilyado ang uban mga suspect nato para sa maayong ugma sa ilang pamilya naa pa silay chance nga magbag-o”,sulti ni Tuazon.
RadyoMaN Don Pulayao
Facebook Comments
