Batay sa pinakahuling census update ng ospital, katumbas ito ng 106.8 percent occupancy rate, o 41 pasyente na higit sa kasalukuyang implementing bed capacity ng R1MC.
Ipinapakita ng mataas na patient census ang patuloy na pangangailangan sa hospital at specialized medical services ng R1MC, na nagsisilbing isa sa mga pangunahing government referral hospitals sa Pangasinan at iba pang bahagi ng Region 1.
Bilang referral hospital, tumatanggap ang R1MC ng mga pasyente mula sa Dagupan City, iba’t ibang bayan at lungsod sa Pangasinan, gayundin ng mga kasong nangangailangan ng mas mataas na antas ng medical care mula sa ibang lugar.
Sa kabila ng paglampas sa bed capacity, tiniyak ng pamunuan ng R1MC na patuloy ang operasyon at paghahatid ng serbisyong medikal sa mga nangangailangan.
Nananatiling nakatuon ang mga doktor, nurse at iba pang healthcare personnel sa pagbibigay ng kinakailangang pangangalaga at suporta sa mga pasyenteng kasalukuyang sumasailalim sa gamutan at pagpapagaling.
Patuloy din ang pag-asikaso sa mga pasyenteng nangangailangan ng agarang medical attention sa kabila ng mataas na bilang ng mga naka-confine.
Samantala, ang occupancy rate na lampas sa 100 percent ay nagpapakita ng mataas na paggamit sa kasalukuyang kapasidad at resources ng ospital, kabilang ang mga kama, pasilidad at healthcare personnel.
Nilinaw naman na ang 106.8 percent occupancy rate ay hindi nangangahulugang tumigil na sa pagtanggap ng pasyente ang R1MC. Ipinapakita lamang ng datos na mas marami ang kasalukuyang naka-confine kumpara sa 600-bed implementing capacity nito.
Patuloy namang minomonitor ng pamunuan ng R1MC ang patient census upang matiyak na maipagpapatuloy ang kinakailangang pangangalaga at serbisyong medikal sa mga pasyente. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣