Responsible online posting giduso

22

Davao City – Gitambagan ni Davao City 1st District Councilor Joan Bonguyan-Quilos ang publiko nga huna-huanon sa makapila ka higayon una pa man mag-post og mensahe ug mag-upload og video sa social media.

Kini gumikan kay dunay dakung purohan nga ang i-post nga mensahe ug ang i-upload nga video sa Facebook magpaguba sa dignidad sa usa ka tawo nga maoy sentro sa banat niini labaw na kun taga-gobyerno.

Nasabtan ni Quilos nga katungod sa matag-usa ang pagpabuhagay sa mulo batok sa tawong nagpasakit sa atong mga pagbati apan ang kana nga pribilehiyo may limistasyon hilabi na kun dunay’ng tawong maguba.

Giingon sa konsehala nga ang mensahe ug video nga mabutang sa social media puwedeng gamiton nga ebidensiya aron madut-an og kasong cyber crime ang naghimo sa ingon.

Busa wa’y kumo kun mag-igmat ug dili magpaturagas sa pagbati ang dehado nga tawo aron dili malutos sa korte sanglit ang sakto mao ang pagdala sa mulo ngadto sa proper forum.

Gipahinumdoman pa ni Councilor Joan Bonguyan-Quilos kinsa chairman sa committee on technology ang katawhan sa negatibong tan-aw sa mga tawo sa atong kapulisan, militar, ug sa kagamhanan.

RadyoMaN Joel Viray

Facebook Comments