RT-PCR wala gi-require sa Davao ilawom sa Alert Level 3

Davao City- Dili pangitaon sa mga checkpoints o border control points sa dakbayan sa Davao ang negative COVID-19 RT-PCR test result.

Sumala ni Davao City Police Office City Director Police Col. Kirby John Kraft, gitugutan ang tanang intrazonal ug interzonal nga travel sa Davao bisan pag walay swab results subay sa ilang nauyunan sa COVID-19 Task Force meeting sa health sectors.

Apan hugot nga gipatuman sa kapulisan ang pagsita sa mga 18 anyos paubos tungod wala kini gitugutang makagawas ilabina kung non essential travel kini.

Samtang, gi-discourage ni Kraft ang pagbisita’g mga balay kun dili kini kauban sa household tungod sa hulga sa paspas nga makatakod nga Omicron COVID-19 variant of concern.

Gitugot ang outdoor activities ug outdoor exercise regardless of vaccination status basta anaa lang kini sulod sa perimeters sa ilahang mga panimalay.

Ilawom sa Alert Level 3, 30% lang ang gitugot sa indoor capacity sa mga establisyemento samtang 50% sa outdoor dining.

RadyoMaN Aimee Guinita

Facebook Comments