SPMC: Face-to-face consultation ug non-emergency surgery giundang una

51
Davao City – Balik kritikal level na sad ang COVID-19 beds sa Southern Philippines Medical Center (SPMC) human triple ang pagsutoy sa kaso sa COVID-19.

Tungod niini temporaryong giundang sugod karong Lunes, Enero 17, 2022, ang face to face consultation ug pagdawat sa dili emergency nga surgery sa mga pasyente.

Nangayo og pagsabot ug pasensya si SPMC chief Dr. Ricardo Audan, tungod kay kinahanglan nilang tutukan sa pagkakaron ang nagkadaghang admission sa mga pasyenteng nagpositibo sa COVID-19.

Sumala ni Audan, 85% sa mga na-admit nga pasyente mga unvaccinated.

Sa Enero 15, 2022 nga COVID-19 nga datus sa SPMC, anaa sa 65% ang occupancy rate sa ICU beds kun 39 sa 60 ka mga beds ang occupied, 78.77% occupied ang Ward beds kun 242 sa 308 ang occupied, 45 ang bag-ong natalang mga na-admit, 3 ang namatay ug usa ang nakarekober.

RadyoMaN Aimee Guinita

Facebook Comments