Security pilason matapos luthangon.

16
Scratched red oval stamp with the words - the police - illustration

Pilason ang isa ka security guard matapos nga luthangon, samtang nagapatigayon sang pagroving sa Dolefil Diversified Avocado Farm Plantation sa Sitio Latil, Barangay Kablon, Tupi South Cotabato alas 10:35 sang gab-i sang Setyembre 21, 2020.
Sa imbestigasyon sang Tupi MPS suno pa nagapatigayon sang roving ang duha ka mga security guard nga sanday Ronel de Juan Nacario, 28 –anyos , residente sang Purok 7, Barangay Acmonan, Tupi, South Cotabato kag Junno Emba Sumanday, 37-anyos kag residente sang Purok Tuburan, Barangay Lambayong, Tampakan, South Cotabato sang nakabati ang mga ini sang tatlo ka lupok sa wala nahibaluan nga klase sang armas luthang.
Ginkilala naman ang suspek kay Noel Abnaway (Alias Noel) sang Barangay Acmonan, Tupi, South Cotabato kag duha ka wala makilal-an nga mga suspek nga nakapalagyo.
Isa sa biktima ang nakaangkon sang igo sa likod nga bahin sang iya nga abaga nga nangin outpatient, samtang ang isa ka biktima ang wala naman naigo.
Padayon naman ang imbestigasyon sang Tupi MPS sa nasambit nga insidente kag ginapreparar naman ang kaso nga ipasaka batok sa mga suspek.

Facebook Comments