SITG gimugna sa Kapitan Balasbas murder case

62
Davao City- Gitukod sa Police Regional Office XI ang Special Investigation Task Group (SITG) aron sa pagpalawom pa sa imbestigasyon sa pagpatay kang Digos City, Davao Del Sur Brgy. San Jose Kapitan Angelito Balasbas .

Sa interbyu sa RMN Davao kang Police Major Eudisan Gultiano, PRO XI spokesperson, dili pa makonsiderang election-related incident ang pagpusil-patay sa kapitan sa nagpadayong imbestigasyon sa kapulisan.

“Ang PRO XI at ang Davao del Sur ay magkakaroon ng Special Investigation Task Group (SITG) para mag-focus in the conduct of investigation nitong pangyayaring pagpatay sa kay barangay captain,” sumala niini.

Kahinumduman, pasulod na ang biktima sa iyahang balay sa Purok Jakusalem, Aurora 3rd, Brgy San, Digos City gikan sa Barangay Hall sakay sa iyahang itom nga Korando SUV dihang gipusil kini sa makadaghang higayon sa wala pa mailang gun man gamit ang short firearm.

Gidala pa sa ospital ang biktima apan gideklara kining dead on arrival.

Segun ni Gultiano, nilusad og hot pursuit operation sa niikyas nga mamumuno.



Matud niini nga andam ang kapulisan sa paghatag og seguridad ug proteksyon sa pamilya sa mga gipatay nga kapitan.

Gikatakdang mubisita si PBGEN Benjamin Silo Jr., PRO XI Regional Director sa Davao del Sur aron mahatagan og pagtagad ang probinsya kinsa adunay intense Political Rivalry karong eleksyon.


RadyoMaN Aimee Guinita

Facebook Comments