Siniguro ng National Power Corporation (NAPOCOR) na hindi magdudulot ng pag-apaw ng Agno River ang pagpapakawala ng tubig mula sa San Roque Dam ngayong Miyerkules, Setyembre 2, alas-8 ng umaga.
Ayon kay Ma. Teresa Serra, Acting Manager ng NPC Dams Management, dalawang gate ng San Roque Dam ang bubuksan na nasa dalawang metro ang kabuuang sukat.
Tinatayang nasa 300 cubic meters per second (cms) ang magiging discharge ng tubig mula sa pagbubukas ng mga gate.
Ipinaliwanag ni Serra na kinakailangan ang pagpapakawala ng tubig para mapanatili sa ligtas na lebel ang reservoir, matapos lumampas ang dam inflow sa kasalukuyang outflow.
Gayunman, siniguro ng NAPOCOR na hindi inaasahang magdudulot ng pag-apaw sa Agno River ang karagdagang discharge, bagama’t patuloy na minomonitor ang kondisyon ng ilog at lebel ng tubig. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
