Davao City – Nagpabiling normal ang harvesting ug pag-angkat sa mga komprador sa mga nanag-iya og fishcage sa negosyong isdang bangus sa Dumalag 3, Barangay Matina Aplaya, syudad sa Davao.
Sumala ni James Hermoso, tag-iya og bangus fishcage, nagpadayun ang ilang komprada sa similya hangtod sa pag harvest.
Matod niini, adunay pipila ka mga owners ang niundang sa operasyon tungod sa pagtaas sa presyo sa feeds.
Dugang ni Hermoso, wala usab na apektohan ang pagtubo sa ilang mga binuhing isdang bangus human sa pila ka adlaw nga nasinati ang bugnaw nga panahon.
Segun sa report, adunay pipila ka mga nagbuhi og bangus ilabi na sa kaulohan nga naapektohan ang pagtubo sa mga bangus tungod sa bugnaw nga klima, hinungdang mitaas ang presyo niini kay mihinay ang supply.
RadyoMaN Paul Canono
Facebook Comments
