Suspek sa Cybercrime, boluntaryong mitahan sa kapulisan

18
Boluntaryo nga mitahan sa mga kapulisan ang usa ka babae nga suspek sa kasong Cybercrime pasado alas 11:27 sa buntag kagahapon sa presinto sa Malaybalay City Police Station.

Giila ang babaeng suspek nga mitahan nga si Rosalie Armamiento, 39 anyos, minyo, ug residente sa Zone-6A, Impalambong, Barangay 10, Malaybalay City, Bukidnon.

Si Armamiento ang mitahan sa kapulisan pinaagi sa gahom sa warrant of arrest sa paglapas sa RA 10175 kon Anti-Cybercrime Prevention Act of 2012 nga nakadokit ilawom sa Criminal Case #: 38300-22M nga gi-issue ni Hon. Isobel G. Barroso, Presiding Judge sa Regional Trial Court (RTC), 10th Judicial Region, Branch 8, Malaybalay City, Bukidnon, pinitsahan Marso 9, 2022.

Samtang pasado alas 5 sa hapon, gawasnon na ang maong suspek human makapiyansa batok sa kaso niini.

Facebook Comments