Suspek sa pagpanunggab patay sa usa ka lalaki sulod sa iyang Boarding House, nadakpan na sa kapulisan

Nadakpan na sa mga kapulisan ang gitudlong suspetsado sa pagpanunggab patay sa usa ka lalaki sulod mismo sa iyang boarding house didto sa Barangay 9, Malaybalay City, Bukidnon.

Pinaagi sa pagbutyag sa usa ka concerned citizen sa gilunggaan sa suspek, nadakpan sa mga operatiba sa Malaybalay City Police Station si Cecilio Ventillo Socobos, 49 anyos, minyo, ug residente sa Purok-3, Barangay Casisang, Malaybalay City.

Narekober gikan sa posesyon niini ang usa ka unit sa motorsiklo nga gituohang get-away vehicle ug usa ka kutsilyo.

Gibalhog na karon sa presinto sa siyudad ang suspek kinsa mag-atubang sa kasong Pagpatay kon Murder.

Mahinomdoman nga kadlawon adtong Martes, pugsanong gisulod ang boarding ni Julius Arendain Tenajeros diin kini walay kalooy nga gidunggab-patay sa suspek.