Siniguro ng National Bureau of Investigation (NBI) na dadalo na sa susunod na linggo si resigned Ateneo coach Tab Baldwin para sa isinasagawang imbestigasyon sa pagkalunod ng dalawang student-athlete.
Ayon kay NBI Director Atty. Melvin Matibag posibleng sa Lunes pupunta si Baldwin sa tanggapan ng NBI.
Paliwanag niya, kasalukuyan kasing nasa opisina ng Criminal Investigation and Detection Group (CIDG) ang dating coach ng Ateneo matapos ipatawag doon.
Noong Martes pa ipinatawag si Baldwin pero ‘no show’ ito sa subpoena ng NBI-Homicide Divisio.
Samantala, inaabangan naman ang pagdating sa NBI-Homicide Division nina dating team manager Epok Quimp at assistant coaches Reynaldo Jacinto Jr at Dean Castaño matapos ding i-subpoena.
Noong mga nakaraang araw ay humarap na sa bureau si coach Sandro Soriano at mahigit 20 kasalukuyan at dating players ng Ateneo Blue Eagles Basketball team.
