Davao City – Planong ipatuman sa syudad sa Davao ang giingong ‘No Jacket Policy’ subay sa pagbantay sa hugot nga seguridad sa dakbayan.
Kini ang gibutyag ni Task Force Davao Commander Col. Consolito Yecla atol sa AFP-PNP Presser diin iyang gisaysay nga hangyuon ang lokal nga gobyerno nga ipatuman ang maong palisiya aron masigurong walay makasulod nga suicide bomber sa syudad apan iyang gipasabot nga ang dili pagsul-ob og jacket didto lamang sa pag adto sa inspection areas sa mga ipahigayong aktibidad.
“And so for upcoming activities, we will request the city government to impose yung non-wearing of jackets when you are approaching inspection areas… Kasi mas dali natin makita ang mga individuals with suicide vest kung wala silang jacket,” segun ni Yecla.
Dugang pagpasabot sa kumander nga inig human og suta sa jacket sa inspection area, mamahimo nga masul-ob gilayon kini pagsulod sa adtuan nga dagkong aktibidad.
“No jacket only when you are approaching inspection areas, pagpasok mo sa loob you can wear your jacket,” matud ni Yecla.
RadyoMaN Renz Barbarona
