Tiniyak ng iba’t ibang religious group na dadalo at nandito sila sa Senado sa Lunes yan yung unang araw ng impeachment trial ni Vice President Sara Duterte.

Kasunod na rin ito ng isinagawang The Pilgrimage of Conscience Jericho Walk for Truth and Justice ng iba’t ibang religous group sa Senado ngayong umaga.

Ayon kay Father Robert Reyes, ang isinagawang aktibidad ay para sa mga senador at buong senado na ngayon ay nadungisan ng isyu ng korapsiyon.

Nagbabala si Father Reyes sa kanilang isinagawang aktibidad dahil noong huling nagsagawa sila ng Jericho march noong impeachment ni dating Pangulong Joseph “Erap” Estrada ay humantong ito sa EDSA People Power Revolution.

Pero tiniyak naman ni Doctor Melba Maggay, isa ring leader ng religipus group na mapayapa ang kanilang isasagawang pagtitipon sa Lunes dito sa Senado.