Gitingkagul na sa bilangguan ang suspetsadong nadakpan nga gikonsiderang Top 6 Most Wanted Person sa probinsya Bukidnon sa kasong Frustrated Murder atol sa operasyong gipahigayon sa mga kapulisan adtong milabayng Sabado didto sa Purok-10, Natid-asan, Malaybalay City, Bukidnon.
Giila ang suspetsado nga si Dino Bacan, 37 anyos, laborer, ug residente sa Suhetra, Poblacion, Impasug-ong, Bukidnon.
Si Bacan ang gipasakaan og Warrant of Arrest sa kasong Frustrated Murder ilawom sa Criminal Case no. 33346-19 nga gi-issue ni Hon. Emmanuel P. Pasal, Assisting Judge sa Regional Trial Court, 10th Judicial Region, Branch 9, Malaybalay City, pinitsahan Agosto 27, 2019 nga adunay girekomendang piyansa nga mukabat sa P200,000.00 alang sa temporaryong kagawasan.
Gibalhog na sa Impasug-ong Municipal Police Station ang suspetsado alang sa tokmang disposasyon.
Facebook Comments
