Top 6 Most Wanted Person sa Valencia sa kasong Attempted Murder, nadakpan

Gibalhog na sa bilangguan ang gikonsiderang Top 6 Most Wanted Person sa Valencia City atol sa gipahigayong operasyon sa mga kapulisan pasado alas 3:40 sa hapon adtong Lunes didto sa Purok-4, Barangay Poblacion, Valencia City, Bukidnon.

Giila ang nadakpan nga si Jesrel Capunay, 32 anyos, ulitawo, ug residente sa Purok-5, Barangay Tongantongan, Vaencia City.

Si Capunay ang gipasakaan og warrant of arrest sa kasong attempted murder nga naka-dokit ilawom sa Criminal Case No.36630-21 nga gi-issue ni Hon. Wilfredo G. Bibera Jr., Presiding Judge RTC, 10th Judicial Region, branch 46, Malaybalay City, Bukidnon pinitsahan March 8, 2021 nga adunay girekomendang piyansa nga mukabat sa Php120, 000.00 alang sa temporaryong kagawasan.

Anaa na sa kustodiya sa Valencia City Police Station si Capunay alang sa tokmang disposasyon.

Facebook Comments