Nawagtang ang daghanang mga gamit sulod sa New Visayas integrated school human gisulod sa wala mailhing mga suspetsado ang maong tulunghaan nga anaa mahimutang sa Sitio New Visayas, Barangay Lurugan, Valencia City, Bukidnon kagahapon sa buntag.
Sumala pa sa Head Teacher sa maong tulunghaan nga giila sa pangalang Anita De Guzman Gervacio, 49 anyos, minyo, ug residente sa Purok-Maligaya, Dagat KiDavao, Valencia City nga pasado alas 6 ang takna sa buntag iya na lamang na diskubrihan nga giransak na ang tulo ka mga classroom ug nahanaw na ang mga gamit nga anaa sa sulod susama na lamang sa duha ka laptop, ug P500 nga cash.
Samtang sa ilang pagsusi , narekober ang duha ka laptop nga gi abandona sa katubhan nga bahin dool sa skwelahan ug kini gidudahan nga gibilin sa suspetsado, apan ang uban pang mga gamit wala na gyud kini makita pa.
Nagpatabang na karon sa kapulisan ang maong head teacher aron nga maaksyonan ug dili na mausab ang susamang insidente sa pagpangawat.
Facebook Comments
