May hayga nga P10,000 pesos ro alimango nga tinakaw sa Barangay Linayasan, Altavas, Aklan kaibahan pa do eambat nga may balor man nga P10,000 pesos.
Kulong makaron sa Altvas PNP ro suspek nga ging kilaeang si Azor Dela Cruz, 32 anyos it Ginictan, Altavas nga maga pangatubang sa kasong qualified theft.
Nadakpan ro suspek it mismong tag-iya nga si Nonie De Jesus 43-anyos it nasambit nga lugar matapos na karang maaktuhan nga ga panakaw do suspek ag may sambilog pa nga kaibahan.
Suno sa imbestigador nga si SPO1 Jose Fregener Decio, hakita ko tag-iya nga ro suspek hay nagsueod sa nasambit nga tangke ag naga buoe it alimango nga tunga sa sako.
Insigida suno kara nga ging sita ni De Jesus do suspek ag einagas rason nga madakpan si Dela Cruz pero ro sambilog nga kaibahan kara hay madasig nga naka paeagyo.
Habuoe man sa suspek ro ana kara nga tinakaw nga alimango ag eambat.
