Naghain na ng “Formal Entry of Appearance” sa Senate Impeachment Court ang 11-miyembro ng House prosecution team para sa nakatakdang paglilitis kay Vice President Sara Duterte.
Ang tatlong pahinang “Formal Entry of Appearance” ay isinumite ni House Secretary General Cheloy Garafil sa Senate Impeachment Court matapos itong mag-convene kahapon.
Sa pamamagitan nito ay pormal na ipinapaalam sa impeachment court ang mga kongresista na tatayong prosecutors na kinabibilangan nina Representatives
– Terry Ridon
– Rodge Gutierrez
– Ysabel Maria Zamora
– Lorenz Defensor
– Chel Diokno
– Leila de Lima
– Kaka Bag-ao
– Jonathan Keith Flores
– Lordan Suan
– Joel Chua, at
– Gerville Luistro na syang “lead public prosecutor”
nakasaad sa isinumiteng “Formal Entry of Appearance” ang hiling ng mabigyan ng kopya si Luistro ng lahat ng pleadings, resolutions, decisions, notices, at iba pang proseso ng Impeachment Court.
