Giila ang biktima nga si Cliff Vincent Velasquez, 29 anyos, ulitawo, ug residente sa naasoy nga lugar.
Sumala sa report, nga nanag-inom ang biktima kauban ang amahan, mga igsoon, ug ig-agaw niini sa dihang kalit midool ang duha ka mga wala mailang suspek nga nakasuot og helmet ug didto gipusil ang biktima sa makadaghan.
Nakahiagom ang biktima og samad-pinusilan sa tuong bahin sa dughan, ug sa tuong tiil.
Nadala pa sa balay-tambalanan ang biktima apan nakabsan ra gihapon sa kinabuhi samtang ginatambalan.
Narekober sa crime scene ang duha ka mga basyo sa 9mm nga pistola nga maoy gigamit sa usa sa mga suspek sa pagpamusil nga ang kinsa misibat sa wala matinong direksyon human ang krimen.
Blangko pa ang kapulisan sa motibo sa maong krimen apan nagpadayon ang hot pursuit operation pagpangita sa suspek.
