CAUAYAN CITY- Sa kabila ng patuloy na pagtaas ng presyo ng langis sa bansa, naging maayos pa rin ang ani ng mga magsasaka sa Brgy. Pinoma, Cauayan City ngayong panahon ng anihan.
Sa naging panayam ng IFM News Team kay Brgy. Captain Romeo Gallema, sinabi nitong naging maayos ang ani ng mga magsasaka sa kabila ng mga hamon dulot ng krisis sa langis.
Dagdag pa ng kapitan, nagsagawa rin ang barangay ng mga hakbang upang matulungan ang mga magsasaka, kabilang ang pakikipag-ugnayan sa mga ahensya ng gobyerno para sa tulong-pinansyal at sapat na suplay ng binhi at pataba.
Sa kabuuan, nananatiling matatag ang sektor ng agrikultura sa Brgy. Pinoma, patunay na sa kabila ng krisis, kaya pa ring makabangon at magtagumpay ang mga magsasaka sa pamamagitan ng sipag at pagkakaisa.
