Shutdown sa Rappler, tinawag na digital martial law ng isang kongresista

205

Tahasang tinawag na digital martial law ang ginawa ng Securities and Exchange Commission (SEC) na pagpapasara sa online news organization na Rappler.

Giit ni Assistant Minority Leader at ACT-Teachers Partylist Rep. France Castro, ngayon ay nasa digital martial law na ang bansa dahil sa patuloy na pag-target ng pamahalaan sa press gayundin ang censorship at pag-kontrol sa impormasyon na inilalabas sa publiko.

Tinukoy ni Castro ang shutdown sa ABS-CBN, ang pagpapasara sa mga websites ng mga progresibong organisasyon at independent media at ngayon ay ang kautusan naman ng SEC na i-shutdown ang Rappler.


Aniya, paalis na lamang si outgoing President Rodrigo Duterte ay patuloy pa aniya ang pag-atake sa freedom of the press.

Sinabi pa ng kongresista na ang pag-atake laban sa media ay panibagong tangka ng Marcos-Duterte regime na ilihis ang katotohanan sa kasaysayan at pambungad pa lamang ito sa mas mararahas pang hakbang laban sa mga kritiko ng pamahalaan.

Facebook Comments