Ayon sa paunang imbestigasyon ng pulisya, naganap ang insidente bandang alas-4:30 ng umaga nang magsalpukan ang dalawa sa isang kurbada ng barangay road.
Batay sa ulat, umano’y mabilis ang takbo ng motorsiklong minamaneho ng 20-anyos na lalaki at napaulat na napunta umano ito sa kabilang linya.
Dahil dito, nasalpok nito ang kasalubong nitong motorsiklo na minamaneho ng 24-anyos na lalaki sakay ang dalawa estudyante. Nagtamo ng iba’t ibang sugat at pinsala sa katawan ang dalawang rider at kanilang mga backride na agad na isinugod sa ospital.
Sa kabila nito, idineklarang dead on arrival ang 20-anyos na driver.
Lumabas sa alcoholic breath test na positibo umano sa alak ang parehong rider, ayon sa mga awtoridad.
Patuloy naman ang imbestigasyon sa insidente habang nananatili sa lugar ang mga wasak na motorsiklo dahil sa tindi ng pagkakabangga. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
