Nakapagtala ang Department of Health (DOH) Region 2 ng tatlong kaso ng fireworks-related injuries ngayong panahon ng kapaskuhan.
Dalawa sa biktima ay mula sa Cagayan habang isa naman ay mula sa lalawigan ng Isabela.
Ang pinakabagong kaso ng fireworks-related injuries ay limang taong gulang pa lamang mula sa Cagayan.
Habang ang dalawa naman ay mga bata rin na nagkaka-edad ng 7-taong gulang at 11-taong gulang.
Batay sa report ng Regional Epidemiology and Surveillance unit (RESU), parehong nagtamo ng eye injury ang mga ito mula sa “boga” o kanyong PVC na isang pampaingay na popular tuwing kapaskuhan at sa pagsalubong ng bagong taon.
Samantala, nabigyan naman ang mga ito ng lunas na ngayon ay nakauwi na sa kani-kanilang mga tahanan.
Ayon pa sa RESU, ang mga kasong ito ay 200% mas mataas kumpara sa kaparehong period noong nakaraang taon.
Facebook Comments
