Umabot na sa 301,040 o 67.72 porsyento ng mga bata sa buong Ilocos Region ang matagumpay na nabigyan ng karagdagang proteksyon laban sa Tigdas at Tigdas-Hangin sa ilalim ng Ligtas Tigdas 2026.
Batay sa accomplishment report mula August 10 hanggang September 6, pinakamalaki ang bilang ng mga nabigyan ng bakuna sa edad na 24 hanggang 59 buwan na umabot sa 207,454 o 69.96 porsyento.
Sinundan ito ng mga batang edad 13 hanggang 23 buwan na may 55,476 o 61.43 porsyento, habang 38,110 o 66.08 porsyento naman ang mga sanggol na edad 6 hanggang 12 buwan.
Sa provincial at independent component city coverage, nanguna ang Dagupan City at Ilocos Norte na kapwa nagtala ng 94.08 porsyento, katumbas ng 14,471 at 40,108 na bata.
Umabot naman sa 42,316 o 86.92 porsyento ang nabakunahan sa Ilocos Sur, 45,254 o 72.31 porsyento sa La Union, at 158,891 o 57.73 porsyento sa Pangasinan.
Nagpasalamat naman ang mga health authorities sa mga vaccinators, healthcare workers, LGUs at mga magulang sa patuloy na pagsuporta sa kalusugan ng mga bata. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
