Mahigit 3,000 magsasaka sa bayan ng San Nicolas, Pangasinan ang nakinabang sa inilunsad na Presidential Assistance for Farmers and Fisherfolk Program (PAFFP) at fertilizer distribution ng Department of Agriculture – Regional Field Office 1 (DA-RFO 1) katuwang ang lokal na pamahalaan.
Isinagawa sa San Nicolas Public Auditorium ang pamamahagi ng unconditional cash assistance para sa 3,226 rice farmers kung saan tumanggap ang bawat benepisyaryo ng tig-P2,325 sa ilalim ng 2026 General Appropriations Act o Republic Act No. 12314.
Kasabay ng cash aid distribution, isinagawa rin ang pamamahagi ng inorganic fertilizers sa ilalim ng MASAGANA Rice Program para sa Dry Cropping Season 2025–2026.
Kabuuang 1,893 rice farmers ang tumanggap ng iba’t ibang farm inputs tulad ng Urea (46-0-0), Humus, Bio-N, at Humi-N upang mapalakas ang produksyon ng palay.
Samantala, 200 corn farmers naman ang nakinabang sa ilalim ng Yellow Corn Production Enhancement Program (YCEP) matapos makatanggap ng Urea fertilizer bilang suporta sa pagpapataas ng ani ng mais. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
