39 BARANGAYS SA CAUAYAN CITY, MALINIS PA RIN SA ILIGAL NA DROGA

Cauayan City, Isabela- Nananatili pa ring Drug cleared ang tatlumput siyam na mga barangay dito sa Lungsod ng Cauayan mula sa animnaput limang barangay na sakop nito.

Iginawad mismo ng Provincial Team Leader ng PDEA Region 2 ang Resolutions on Retention ng 39 Drug-Cleared Barangays sa hepe ng Cauayan City Police Station na si PLt Col Sherwin Cuntapay.

Kasabay na rin ito sa obserbasyon ng International Day against Drug Abuse and Illicit Drug Trafficking na may temang “Addressing Drug Challenges in Health and Humanitarian Crisis.

Ang mga barangay na napanatili ang estado na drug-cleared ay kinabibilangan ng mga barangay ng Alicaocao, Alinam, Amobocan, Baculud, Baringin Sur, Buena Suerte, Bugallon Buyon, Carabatan Chica, Carabatan Punta, Culalabat, Dabburab, Dianao, District 2, Duminit, Faustino, Gagabutan, Gappal, Guayabal, Labinab, Mabantad, Maligaya, Marabulig 1, Minante 2, Naganacan, Nagrumbuan, Nungnungan 1 at 2, Pinoma, San Antonio, San Francisco, San Isidro, San Luis, Sillawit, Sta. Luciana, Sta. Maria,Tagaran, Villa Concepcion at Villaluna.

Samantala, naideklara na ring Drug free workplace ang himpilan ng PNP Cauayan noong March 2,2022 sa pamumuno pa rin ni Plt Col Sherwin Cuntapay.