500k Livelihood Kits, Packages Ipinamahagi sa 58 MSMEs sa Isabela

14
Cauayan City, Isabela- Mahigit kalahating milyong piso (500,000) na halaga ng livelihood kits ang ipinamahagi sa limamput walo na MSMEs sa mga bayan ng Roxas, Echague, Cordon, Alicia, at Benito Soliven sa ilalim ng livelihood Seeding Program – Pangkabuhayan sa Pagbangan at Ginahawa (LSP-PPG) ng DTI R2 Isabela Provincial Office.

Tinanggap ng mga benepisyaryo ang Bigasan at Bakery livelihood packages bilang tulong sa kanilang pagbangon mula sa masamang epekto ng pandaigdigang pandemya.

Suportado naman ng lahat ng Local Chief Executive at LGU Officials mula sa mga nabanggit na lugar ang mga MSMEs at hinihikayat silang makisali sa iba pang mga programa sa pagsasanay ng gobyerno na makakatulong sa kanila na bumuo ng kanilang mga negosyo at suportahan ang kanilang lokal na ekonomiya.

Kaugnay nito, nangako naman ang DTI na tulungan ang lokal na sektor ng MSME sa pagbangon nito sa pamamagitan ng pagsasagawa ng serye ng pagsasanay at business development workshops, gayundin ang pamamahagi ng livelihood kits.

Ang LSP-PPG ay isa sa mga pangunahing inisyatiba ng tulong sa kabuhayan ng DTI na naglalayong buhayin ang lokal na sektor ng MSME sa pamamagitan ng pagbibigay ng serye ng pagsasanay sa entrepreneurial at pagbibigay ng livelihood kits.

Para malaman ang higit pa tungkol sa mga programang pangkabuhayan ng DTI, mangyaring bisitahin ang Negosyo Center sa inyong lugar o bisitahin ang official Website ng DTI (dti.gov.ph)

Facebook Comments