Ipinagtanggol ni House Prosecutor at Bicol Saro Party-list Representative Terry Ridon si Atty. Amando Ligutan makaraang sitahin ni lead defense counsel Atty. Shiela Sison ang Facebook post nito na hindi pinapayagan ang misleading questions kahit sa cross examination.
Ayon kay Ridon, ramdam niya ang pag-iyak, pighati at hinagpis ng depensa sa reklamo nila.
Pero giit ni Ridon, inilahad lang ni Ligutan sa kaniyang social media post ang principle of law kaugnay sa misleading questions at hindi ito saklaw ng sub judice rules.
Diin ni Ridon, walang pinangalanan si Ligutan at wala rin itong binanggit hinggil sa merito ng impeachment case laban kay Vice President Sara Duterte.
Bunsod nito ay umaasa si Ridon na isasantabi ng impeachment court sa pagpapasya ang pag-iyak ng depensa.
Tiniyak naman ni Ridon na kanilang irerespeto anuman ang hakbang o magiging desisyon ng impeachment court hinggil sa bagay na ito.
