Mas magiging maayos at komportable na ang pag-aaral ng mga mag-aaral ng Pugaro Integrated School matapos ang pormal na pagbubukas ng bagong tatlong palapag na gusali na may siyam na silid-aralan at isang covered court gymnasium kahapon, Hulyo 21.
Inaasahang makatutulong ang mga bagong pasilidad upang mabigyan ang mga estudyante ng mas ligtas, mas moderno, at mas angkop na kapaligiran sa pagkatuto.
Bukod sa pagdaragdag ng mga silid-aralan, magsisilbi ring venue ang covered court para sa iba’t ibang gawaing pang-edukasyon, pampalakasan, at iba pang aktibidad ng paaralan.
Ayon sa lokal na pamahalaan, patuloy nitong isinusulong ang pagpapaunlad ng mga pasilidad sa edukasyon bilang bahagi ng layunin na mapataas ang kalidad ng pag-aaral at mabigyan ng mas maraming oportunidad ang mga kabataan.
Naging posible ang proyekto sa pamamagitan ng pagtutulungan ng pambansa at lokal na pamahalaan, Department of Education, at iba pang katuwang na sektor ng komunidad. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
