Nagsagawa ng information and awareness lecture ang San Carlos City Police Station kaugnay ng Republic Act 11313 o mas kilala bilang Anti-Bastos Law sa mga opisyal sa barangay Palosopos.
Isinagawa ang aktibidad noong Mayo sais para sa mga miyembro ng Barangay Peacekeeping Action Team o BPAT at mga Barangay Health Worker ng Barangay Palospos bilang bahagi ng kanilang training program.
Tinalakay rin sa seminar ang direktiba ng DILG ukol sa mahigpit na pagpapatupad ng curfew para sa mga menor de edad, limitadong paggamit ng videoke hanggang alas-diyes lamang ng gabi, pagbabawal ng paglalakad nang walang damit pang-itaas sa pampublikong lugar, at pag-inom ng alak sa gilid ng kalsada.
Layunin ng aktibidad na mapalawak ang kaalaman ng mga kalahok tungkol sa pagpapanatili ng kaayusan at disiplina sa komunidad.
Patuloy namang hinihikayat ng kapulisan ang pakikiisa ng publiko upang mapanatili ang kaligtasan at kaayusan sa lungsod. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
