COVID-19 TF suportado ang ‘no vaccine, no entry’ policy

Davao City – Subling gipahinumdom sa Davao City Coronavirus Disease 2019 (COVID-19) Task Force nga adunay gahum ang usa ka establisyemento o gambalay sa pagpatuman og kaugalingong measures o health protocols batok COVID-19.

Kini human nga adunay mga eskwelahan nga nagpatuman og ‘no vaccine, no entry’ sa pagpahigayon og face-to-face (F2F) classes.

Matud ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio) nga dili supak sa balaod ang pagpatuman og measures diin ang Local Government Unit (LGU) Davao aduna usay Executive Order (EO) labot niini.

“Kung tan-aw sa establishment mao ‘ni maka-keep sa ilaha healthy and their clients, they can do that po. They can actually practice it. Walay maka-question ana because it’s also written in our Executive Order 11,” sulti ni Schlosser.

Padayong giawhag sa COVID-19 Task Force nga magbaton og kaugalingon protocol ang establisyemento isip tabang sa lokal nga gobyerno sa pag-manage sa COVID-19 cases sa dakbayan.

RadyoMaN Kirby Manzon

Facebook Comments