Sumalang ngayong Day 27 ng impeachment trial ni Vice President Sara Duterte ang ilang opisyal ng Securities and Exchange Commission (SEC).
Kasalukuyang nakasalang ngayon ang testigo ng prosecution na si SEC Company Registration and Monitoring Department Director Gerardo del Rosario para i-authenticate ang mga negosyong nakadeklara sa SALN na may interes si VP Sara at asawa nitong si Atty. Manases Carpio.
Hindi naman na pinaharap ng prosecution team si Civil Service Asst. Commissioner Ariel Ronquillo para tumestigo sa paghahanda at filing ng SALNs ng bise.
Paliwanag ni Rep. Terry Ridon ng prosecution team, sapat na ang mga naunang testimonya tungkol sa SALN ni retired Sandiganbayan Presiding Justice Amparo Cabotaje-Tang at Ombudsman Central Records Division Officer-in-Charge Atty. Karen Batu.
Dagdag ni Ridon, layon din ng hindi na pagpapaharap ng ilang testigo na mapabilis ang impeachment proceedings.
Samantala, bukas naman pahaharapin si Philippine Government Electronic Procurement System (PHILGEPS) Division Chief Rendell Sopeña.
Pinagpo-produce naman ng Impeachment Court ng mga procurement records si Sopeña kung saan may kontrata ang Gencorp at government agencies mula 2020 hanggang sa kasalukuyan kung saan ang Gencorp ay nakadeklara sa SALN na may business interest ang bise.
