DCPO, giklaro nga augmentation gikan sa PRO 11 ang 150 ka mga kapulisan alang sa Araw ng Dabaw

Gikumpirma sa Davao City Police Office ( DCPO) nga adunday 150 ka mga personahe sa kapulisan ang i-augment sa dakbayan sa Davao.

Sumala pa ni DCPO spokesperson PCAPT Hazel Caballero Tuazon nga nadawat nila ang maong augmentation kagahapon sa hapon ug giklaro niini nga ang maong mga pulis dili naggikan sa PRO 13 apan gikan lang matud pa sa PRO 11 isip pagtabang sa bantay sa seguridad sa tibuok Davao City sa month-long celebration nga Araw ng Dabaw.

Dugang pa nga ang maong ihap bahin-bahinon og ipang deploy sa mga police stations gikan 1-8, Ecoland PS, Maa PS ug Bajada PS.

Kahibaluan nga lauman ang presensya ni Vice President Sara Duterte aron makig-selebrar sa Araw ng Dabaw.

Samtang, lakip sab sa mga ginapangandaman mao ang National and Local Elections.

RadyoMaN Kareen Beltran