Iginiit ng defense team ni Vice President Sara Duterte na irrelevant ang testimonya ni Davao City Mayor Sebastian Duterte para sa impeachment trial ng kaniyang kapatid.
Ayon kay Defense Counsel Justin Gular, nasa testimonya naman na ng naunang testigo na si PhilGEPS Division Chief Rendell Sopeña ang usapin sa procurement transactions na isinagawa sa pagitan ng Davao City at ng GenCorp Industries Inc., kaya hindi na sana kailangan pa ng testimonya ni Mayor Baste.
Sa kabila nito ay pinagpatuloy pa rin ang direct examination ng prosekyusyon kay Mayor Baste na nagsabi na wala itong alam sa GenCorp. kung hindi lang dahil sa impeachment trial.
Samantala, idineklara naman na hostile witness si Mayor Baste ni Presiding Officer Chiz Escudero para sa ika-31 araw ng Impeachment Trial.
